21 февраля - Международный день родного языка (ОБНОВЛЕНО)
Як усе, хацеў бы ведаць мову родную і я
Пад такім дэвізам прайшоў Міжнародны дзень роднай мовы ў сярэдняй школе №5 г.Навагрудка.
На разнастайна прапанаваных мерапрыемствах выхаванцы адкрывалі таямніцы моўнай скарбонкі.
Вучняў пачатковых класаў наведаў Дзед-мовавед, які распавіў малодшым школьнікам пра гісторыю свята. Прадэкламаваныя на роднай мове вершы раскрылі значнасць матчынага слова ў жыцці кожнага чалавека.
Запамінальным стаў урок мовы для вучняў 5 “А” класа “Як усе, хацеў бы ведаць мову родную і я”. Юныя лінгвісты спаборнічалі ў валоданні лексікай беларускай мовы, перакладчыкі шукалі беларускія найменні рэчам, адкрывалі цікавыя назвы ўстарэлых слоў.
Глыбокапазнавальнай была гадзіна-практыкум “Адкрываю нанова беларускае роднае слова”. Адзінаццацікласнікі пашырылі веды ў фразеалогіі, рыторыцы, стылістыцы беларускай мовы.
Пераканана, што нашы выхаванцы пасля праведзеных заняткаў палюбяць сваю мову яшчэ больш, бо родная мова – гэта візітная картка нашай краіны, адзнака самабытнасці нашага народа. Мова – вопратка душы, і пакуль жыве мова, жыве народ, нацыя.
Аксана Чысцякова,
настаўнік беларускай мовы і літаратуры
