ЗАПРАШЭННЕ НА ЎДЗЕЛ У СТВАРЭННІ САЛАЎІНАЙ КАРТЫ
ДОБРЫ ДЗЕНЬ!
НАВАГРУДСКІ РАЁННЫ ЭКОЛАГА-БІЯЛАГІЧНЫ ЦЭНТР СУМЕСНА З НАВАГРУДСКІМ АДДЗЯЛЕННЕМ АПБ ЗАПРАШАЕ ВАС ПРЫНЯЦЬ УДЗЕЛ У СТВАРЭННІ САЛАЎІНАЙ КАРТЫ.
14 і 15 мая адпраўляйцеся на пошукі салаўя. Яго меладычную песню проста пазнаць, а вызначэнне месцаў можа стаць цудоўнай нагодай для прыемнага шпацыру па родным горадзе.
Пачулі салаўя? Падзяліцеся кропкай з іншымі жыхарамі свайго горада на Салаўінай карце, каб яны таксама патрапілі на іх канцэрт!
Што такое салаўіная карта?
«Салаўіная карта» – унікальны праект, дзе кожны жыхар нашай краіны, які цікавіцца прыродай і любіць птушак, можа стаць адным са складальнікаў адмысловай карты.
Як гэта працуе?
Калі вы пачулі спевы салаўя – адзначце месца і адпраўце свае звесткі нам для адзначэння на карце. Такім чынам мы разам зможам падлічыць птушак! А яшчэ вашы назіранні – добрая падказка для іншых людзей і адказ на пытанне «куды пайсці паслухаць салаўя?»
Калі можна пачуць салаўя?
Гэтыя птушкі спяваюць на працягу мая і ў пачатку чэрвеня.Адзінкавых асобін можна пачуць да сярэдзіны чэрвеня. Таму спяшайцеся паслухаць гэтых гучных птушачак і адзначыць на карце разам з намі "сваіх" салаўёў!
Як перадаць звесткі аб сваіх назіраннях?
E-mail: 62255151@mail.ru ,
Тэл.: (81597) 2-03-50 ( Навагрудскі раённы ЭБЦ)
(8029) 9416890 (Аксана Вітальеўна)
(8033) 6405474 (Марына Уладзіміраўна)
З павагай,
Адміністрацыя Навагрудскага раённага ЭБЦ
