Дзень ведаў
Хутка праляцела лета, скончыліся канікулы. І зноў — Дзень ведаў — самы ўрачысты і хвалюючы ў новым навучальным годзе. Ва ўсіх установах агульнай сярэдняй адукацыі прайшлі святочныя мерапрыемствы. У нашай школе гэты дзень пачаўся з урачыстай лінейкі. На лінейцы прысутнічала шмат гасцей. Прысутныя пажадалі ўсім вучням школы поспехаў у вывучэнні школьных дысцыплін, а настаўнікам пленнай творчай працы .
А потым — першы ўрок пад назвай «Занімай, Беларусь маладая мая, свой пачэсны пасад між народамі!». Гэты ўрок выклікаў шчырыя пачуцці гонару за сваю Радзіму, за свой таленавіты, працавіты і дабрадушны народ, а таксама спадзяванні і надзеі на яшчэ лепшае светлае будучае. Словы Я. Купалы з верша "Маладая Беларусь" сугучны с тэмай Года малой радзімы, яны падкрэсліваюць суверэнітэт і незалежнасць Рэспублікі Беларусь. Сёння на першым ўроку вучні ўспомнілі асноўныя старонкі гісторыі незалежнай Беларусі. Разам з вучнямі мы перагарнулі некаторыя старонкі нашай гісторыі, зазірнулі ў сучаснасць. Паразважалі пра тое, чым можа ганарыцца наша краіна. Мерапрыемства прайшло ў форме падарожжа па нашай краіне. Вучні паказвалі свае веды, чыталі вершы, выконвалі гульнявыя заданні.
